科技券報價不容易

供應商一見科技券報價講拜拜 

申請科技券最困難既地方係索取報價。先講返科技券既背景,自2016年政府推出「科技券先導計劃」(Technology Voucher Programme, TVP),鼓勵中小企使用科技系統提升內部效能同埋改善客戶體驗,由最初資助20萬,到2019年2月加碼至40萬,資助比例亦係眾多計劃中較高既三份之二,即係你俾一蚊,佢俾兩蚊。不過,有一點無論如何都無放寬過既,就係報價程序。熟知政府運作既人都知,政府報價一定要跟「標準報價程序」,規定各價格範圍要有若干數量既書面報價,缺一不可,所以有好多要申請科技券既企業都要搵夠報價去滿足呢個要求,慢慢供應商就知道收到份RFQ (Request for Quotation, 報價請求)好多時只係幫人申請TVP,根本無商機可言,仲有科技券最快都要幾個月先批出,試諗下班供應商,又要免費幫你做義工,即算跑出都要拖幾個月到半年,最後仲要「價低者得」,大家鬥平,所以好多供應商一聽到幫科技券做報價,都會耍手擰頭。

科技券報價要靠顧問

問題既關鍵係在於申請企業為左滿足科技券計劃既基本要求,夾硬去亂搵報價,而唔係以符合公司利益既角度去採購,久而久之就破壞左供應商既信任。其實呢個情況係好多行業都有出現,買賣雙方因為市場機制同資訊唔對稱而互不信任,令到交投疏落,而現代市場經濟應對既方法就係中介行業既誕生,促進買賣造就成交。科技券中介正正係市場制度既產物,正正係因為市場需要科技券中介,先會令呢個行業越做越有,試諗下如果個個賣樓都係自己去貼街招,個市一定變成一潭死水,了無生氣。更進一步,資訊科技本身唔係個個識,科技券中介往往要回應客戶既問題,而從中介角色變成顧問。科技券顧問其中一個最主要既價值係透過了解客戶既需求去尋找合適既供應商進行報價,正如中介行業,顧問一般都有豐富既科技券供應商網絡,而且有一定既互信,所以供應商都會願意為科技券顧問轉介既客戶提供報價。

科技券中介
科技券顧問充當中介角色促進報價

科技券供應商與顧問的合作關係

正如地產發展商同中介既關係,就算幾財雄勢大既發展商,佢地既專長都唔係做配對同明白客戶最終需要,所以與其要求供應商又要整科技系統,又要協助客戶申請科技券,本身就係有少少不顧現實,再者供應商之間存在競爭關係,所以係唔能夠亦唔應該接觸報價,所以最終科技券供應商只能夠叫客戶自己出街搵報價,又返回以上面對既困難局面。既然係咁,供應商要壯大科技券客戶群,實在係應該同科技券顧問合作,專注返科技系統既業務。就以我地香港依時分為例,已經有幾十間供應商成為合作伙伴,正宗叫做大個餅,唔單止開拓左新市場,亦係推動香港資訊科技發展略盡綿力。

申請科技券成功唔係靠彩數,由科技券報價到最後審計報告,每個細節同樣重要,唔想心掛掛,眼白白睇住科技券40萬變成零,就要搵個資深顧問知多啲。 

你都可以係下一個科技券成功例子,馬上聯絡HK Easy Fund 香港依時分科技券顧問 (+852 2129 0104)

文章分享