BUD Fund申請不止填表
跨專業知識考起員工
BUD專項基金 (全名「發展品牌、升級轉型及拓展內銷市場的專項基金 – 企業支援計劃」”Dedicated Fund on Branding, Upgrading and Domestic Sales – Enterprise Support Programme”, 或稱BUD Fund)旨在幫香港中小企提升品牌、升級設備及開拓中國大陸同自貿協定地區市場，政府會按一對一比例資助企業，內地計劃及自貿協定計劃合共提供$400萬。BUD Fund向來出名難申請，單係份申請表已經有成幾十版，又要寫計劃書，又要證明企業有實際運作，好多老細都會叫員工 (或者親身) 去 HKPC 生產力局舉辦既 BUD Fund申請講座，聽完起碼叫做大約知要求。
然而知還知，當同事知道BUD申請要準備一大堆又有計劃書，同時又要接受BUD秘書處既查詢，解釋計劃書詳情，咁之後呢? 事實上， BUD申請唔單止填表，撰寫計劃書已經要求一定既科技應用同市場推廣知識，如何說服到秘書處，有關既建議項目係值得做，就係非常關鍵，涉及資訊科技、市場推廣、商務、會計以至法規既跨專業知識，員工平日已經有大量工作處理，單係建議書既前期研究可能已經用上唔少人力物力。
申請文件若有錯 延誤錯失良機
另一方面，BUD Fund申請文件要求甚多，如果填漏資料，甚至交唔齊文件，就會導致申請延誤。有唔少公司本身都唔清楚BUD申請要求，到秘書處查問先知有問題，結果個案就被打回頭，一來一回可能又無左成個月時間，加上查詢時間，分分鐘成個項目就延期半年。做生意既朋友，尤其以轉身快為優勢既中小企，都會明白時間即是金錢，半年可以發生乜事呢? 大家睇下2019年6月到11月就會明白哂。
BUD顧問專項專辦 企業調動資源更靈活
既然申請BUD Fund既涉及跨專業知識，又要顧及繁複既申請程序，搵同事全職咁研究一頭半個月既花錢又未必萬無一失，咁有無兩全其美既方法呢? 答案就係搵 HK Easy Fund 香港依時分既BUD顧問幫手啦，雖然理論上可以申請40次BUD，但大部份企業只會申請一兩次，搵同事研究點申請，絕對廢時失事；而我地既顧問每日都為不同既客戶處理申請，累積大量經驗，一眼就睇得出邊個個案申請唔到，邊個個案機會甚高，老闆再自行判斷申請與否，免卻浪費企業寶貴資源。再者，EasyFund既顧問緊貼行情，時刻留意政府新聞發佈同市場消息，申請自然事半功倍啦。
延伸閱讀: BUD專項基金知多啲
整合市場資訊 尋覓優質BUD供應商
BUD Fund涉及的領域，包括品牌提升、設備升級同市場拓展，對企業而言都係大動作，每十年可能先會一遇，因此企業內既員工對於相關既專業領域，例如網站設計、品牌設計，以至海外市場推廣等等，都未必好了解，即使寫好BUD計劃書，回應秘書處時又會遇到問題，政府唔同商界，思維方法零舍不同，你無諗過既野佢都會問，仲要準時回應，否則就影響到申請機會。BUD顧問非常明白政府既語言，你睇完都唔知想點既BUD申請指引，實在需要BUD顧問進行翻譯。
BUD顧問實例分享 減輕成本創造雙嬴
飾物品牌主力內銷，為迎接東南亞經濟起飛，打算將品牌推廣到東盟市場，並架設網店及推行網上推廣。雖然品牌擁有豐富的中國大陸行銷經驗，對使用微信推廣十分熟悉，但當轉換到東南亞流行的Facebook社交平台時就遇上問題，而且品牌係大陸主要都係放天貓 (Tmall)做網購，而家要自行架設網站，連接Payment Gateway同倉存都完全唔熟。如果申請既公司拎住大陸個一套方法去東盟市場，相信BUD秘書處就會有好大保留，未必批份BUD申請，顧問話完你知，即刻修改份業務計劃，過得BUD顧問，去到秘書處到就唔會太大問題。
把握申請BUD專項基金機會，與其自行亂摸，不如搵個信得過有經驗既BUD顧問幫你手，馬上聯絡HK EasyFund 依時分 (+852) 9229 1825 。
