BUD專項基金分享會: 資格及項目篇

BUD專項基金項目推行經驗分享會

香港生產力局 (Hong Kong Productivity Council, HKPC)負責執行BUD專項基金秘書處工作,2019年為左解答好多企業申請BUD Fund時遇到既困難,於是舉行左「BUD專項基金項目推行經驗分享會」,並將當日既座談會PowerPoint上載到BUD基金網站 (網址:https://www.bud.hkpc.org/sites/default/files/download/BUD%20Fund%20Presentation_Symposium%202019_final.pdf ) 此份文件可以話係整個BUD專項基金計劃中最淺白既一份,所以我地BUD顧問就以此為基礎,解釋成個BUD申請流程,建議各位先下載此份PowerPoint,並同時閱讀本文。

下篇: BUD專項基金分享會: 類別及撥款篇

BUD Fund 申請資格

  • 有商業登記及實質營運既非上市公司,實質營運由以下文件證明
  • 聘請員工紀錄- 一般可以MPF供款證明,同時亦反映了申請企業規模,對批出既資助額有關鍵影響
  • 交易紀錄 – 例如營運發票及收據,一般要提交過去3個月既營運證明
  • 稅單或審計報告 – 證明企業並不是空殼公司、控股公司或投資工具

根據我地過去經驗,無聘請員工既無限公司基本上很難成功申請BUD,即使有限公司如持續虧損或營業額太少,都難以申請成功。要分析申請企業是否符合基本條𠎧,仍很視符行業、員工人數、營運歷史等因素。

BUD Fund支援項目

BUD全名係Dedicated Fund for Branding (發展品牌), Upgrading (升級轉型) and Domestic Sales (拓展內銷,現已全面升格為對內地及東盟營銷)。根據分享會PowerPoint,三大範疇支援項目大約如下:

發展品牌

  • 制訂品牌策略
  • 品牌形象設計
  • 品牌推廣
  • 品牌註冊

例如委託品牌策劃公司進行策略分析、設計標誌及註冊商標等都屬於Branding

升級轉型

  • 商業模式升級轉型
  • 產品創新
  • 引進新技術
  • 提升管理體系
  • 生產自動化

如購買新生產機器或者提升軟件系統,呢類提升生產力既措施,或者做檢測同ISO認證都係可受資助既項目。升級系統呢部份係同TVP科技券有重覆之處。

拓展營銷

  • 制定市場營銷策略/計劃
  • 開發、建立銷售渠道
  • 宣傳推廣活動

一般傳統Marketing,例如參加展覽會及發佈會,以至網上推廣,例如建立或優化網頁、電子商貿平台、Facebook及Google廣告,或者中國內地既微信同小紅書推廣等,都係資助範圍。

PowerPoint第6同7頁更詳細講述邊啲項目可以邊啲唔可以接受資助,以及最多佔整個申請既比例。我地建議各位有意申請BUD既企業人員一定要睇睇第7頁列明不獲資助既費用。下次我地將會繼續分析資助方式同項目注意事項。(即第4、5及8頁)

BUD顧問明白申請既難度位所在並會協助客戶順利獲得批核,要成為下一個BUD成功例子,馬上聯絡HK Easy Fund 香港依時分 (+852) 6219 1703 .

文章分享