科技券申請唔係賭大細

科技券申請成功講策略

孫子兵法有云:「知己知彼才能百戰百勝」,要申請科技券成功,首先要知道創新科技署 (即科技券計劃 TVP既執行政府部門)考慮既地方,即以下四大原則:

  • 申請企業是否符合資格
  • 建議的科技券項目是否可行
  • 建議的科技券項目是否與申請企業相關
  • 建議的科技券項目預算是否合理

科技券計劃 (Technology Voucher Programme, TVP)資助企業應用科技方案,每次資助額係項目既三份之二,累績上限已經加碼到40萬,而家仲有資助額既25%作為前期資金,幫助企業減輕現金流壓力。今時今日環境變化劇烈,要與時並進,科技券計劃唔可以唔知。

TVP申請資格

  • 根據《商業登記條例》登記的香港業務;或
    根據《公司條例》註冊的香港公司;或
    在香港成立的法定機構 
  • 非上市,亦非政府資助機構或其附屬公司 
  • 有實質業務

一般申請企業都會符合頭兩項條件,即使公司股東或東主並唔係香港永久居民,只要在香港註冊既公司,都符合申請資格。然而,「實質業務」就有少少抽象,何謂有實質業務呢?

簡單來講,凡有業務,定必有員工同收支,只要證明到呢兩點就可以。

員工: 根據香港法例,所有僱員都需要供強積金 (MPF),所以MPF紀錄就能證明企業員工數量

收支: 可以係最近三個月既發票同收據或者銀行月結單

大家要留意,有部份公司因為種種原因,例如一人公司、全部員工都是兼職等等,於是無供強積金。首先咁係唔符合強積金既相關法律,另外亦都好有機會被拒絕申請科技券。

TVP計劃最初規定只有成立1年以上既中小企先有資格申請,而家已經取消左相關規定,受惠既企業同機構係多左好多。了解左TVP申請資格後就可以落下一個題目喇。

員工及月結單
實質營運必定需要聘請員工及收入支出

 

科技券項目可行性

科技券申請表格上需要提供項目建議書,創科署會就著現今既科技水平、法例等去評估有關建議項目可行與否。舉個例子,如果生物實驗室申請科技券發展人類胎兒性別選擇,由於不符香港法律,就不會獲批。另外要留意,即使創科署批准申請,其實亦不代表項目可行,確實執行係申請企業既責任,寫得落建議書就要做得到,否則創科署最後係有權唔發資助既。

科技券項目與申請企業的相關性

好多人有個錯覺,認為科技券即係政府資助買電腦,記住科技券項目要有針對性,就咁買電腦、打印機等係唔得既。建議項目要有特定用途,而且要同業務相關,可以提高業務既效率,減省人手同人為錯誤等。例如無零售業務既網頁公司,如果想申請TVP做POS (Point of Sales 零售銷售系統),就令人丈八金鋼摸不著頭腦,難以說服部門信納兩者之間既關係。記著,餐廳申請餐飲系統,物流公司申請物流系統,就四平八穩順利過渡啦。當然世事無絕對,總有難定界線既情況,咁就可以同我地既科技券顧問傾傾。

科技券項目預算

符合資格、項目可行、相關合理都過哂關,就剩返最後一件事:建議項目既預算需要合理。創科署處理過以千計既申請,接觸上萬份科技券報價,對市場價格有一定掌握,主流既項目例如企業資源規劃 (Enterprise Resource Planning, ERP)、網站系統、POS等等,不能超越某個範圍太多,畢竟資助來自納稅人,每分每毫理論上都要用得其所。至於較冷門既項目,都會涉及一定既軟件系統開發程序,部門將會要求有更詳細既報價 (Item breakdown),達至公平公開。如果創科署認為建議項目預算太貴,就需要遊說部門接納,或者將預算降低至部門認為合理既水平。

參考文章: 科技券報價不容易

科技券顧問協助順利申請

睇完審批原則,相信大家都明白,政府辦事係講程序既,如果你唔熟識政府套程序同埋要求,就會不斷咁回答問題,遇到好既主任,可能都會解釋邊度漏邊度錯,但去到合理性相關性等問題,主任都幫唔得太多。科技券顧問協助客戶處理大量個案,經驗豐富,對審批原則非常了解。香港依時分科技券顧問係真正幫到你既專家 (info@hkeasyfund.com)

延伸閱讀: 科技券顧問前瞻TVP2020

科技券顧問前瞻TVP2020

科技券顧問公司2020年最新看法

科技券計劃係2019年2月27日正式加碼,由20萬倍增至40萬,而下半年發生中美貿易戰白熱化以及因逃犯條例修訂導致既連串社會事件,經濟出現衰退令政府決定為科技券提供前期資助。2019年係TVP大改既一年,不單資助加碼,而且可以提前取款,令當局積壓左唔少個案,我地既科技券顧問感到當局既回應比之前慢左少少。前瞻2020年,香港依時分估計無論係政策層面以至執行處,當局都會就住經濟環境變化而作出更進一步既調整。作為香港主要既科技券顧問公司,我地有以下既睇法,俾各位有意申請科技券既客戶或者科技券供應商參考。

創科署審批科技券將會更嚴謹

依時分首先想指出,創新科技署 (下稱創科署)將會對TVP申請更加嚴格處理,原因有二:一、面對經濟逆境,有更多老闆可能會選擇鋌而走險,為求節省開支甚至騙取公帑,而串同不良科技券中介同供應商提供虛假陳述、進行圍標或者作出枱底交易。二、自2019年科技券最高可以資助40萬港元,對好多中小企來講可以話係一筆可觀既數字,而且大部份既項目交易簡單,只涉及幾條款項,加上最高25%既前期資助,可能令人產生歪念。

2019年下半年創科署已明顯針對科技券報價以及申請企業股權結構要求更詳細既交代,由於申請個案大幅上升,唔排除有部份有心人趁時局混亂混水摸魚,作為執行部門,創科署來到2020年將會更嚴格把關,對申請資格進行徹底審核,另外亦唔排除當局會對不良中介同可疑供應商正進行調查。如政策局未能加強支援,我地預計科技券申請需時可能會比現在更耐。

嚴謹的科技券審批
為防濫用而更嚴謹地審批科技券

TVP前期資助發放更改條件

現在如要獲得前期資助,先要開設獨立企業銀行戶口,同埋注入相等資金。依時分顧問認為有關做法會減低申請前期資助意欲,大家都知道今時今日香港公司要申請銀行戶口,一般都要三個月,仲要好似查恐怖份子咁,相當麻煩,而實際上有關既前期資助只係涉及項目成本既六分之一,最多10萬,向銀行融資可能更加直接。我地預計,科技券計劃應會參考2020年1月20日起既BUD專項基金優化措施,唔再需要申請企業開設獨立銀行戶口,而改為要求主要股東為申請企業作個人擔保 (Personal guarantee),令申請以至獲得前期資助更快速,提升有直正科技需要既企業申請意欲。

因應科技發展將有更多元化科技項目

除左經濟逆境外,2020年亦都係科技界重要既一年,因為第五代無線通訊技術 (5G)將會正式推出市場,5G既特點之一係極少既延滯 (Latency),令物聯網 (Internet of Things, IoT)切實可行,市面上已經開始有相關既解決方案準備就緒,價錢亦係科技券資助範圍之內,我地估計IoT將會成為下一波熱門既科技券項目,香港依時分正同相關既供應商展開合作探討,請期待我地既進一步公佈。

申請科技券顧問幫到你

面對以上既改變,即係審批更嚴格、資助發放模式改變同埋多元化項目供應,科技券顧問既角色顯得比以前更重要。顧問每日都處理大量個案,明白創科署審批準則同要求,同時有專人留意政府最新消息,省回唔少準備功夫,更重要係顧問公司有廣闊既科技供應網絡,可以轉介最適合既供應商俾申請企業,無需擔驚受怕。

要成為下一個科技券成功例子,馬上開始進行自助評估,俾科技券顧問幫下你 (info@hkeasyfund.com)

7宗TVP科技券成功例子

科技券顧問分享個案 下個成功例子就係你

人人都講科技券 (Technology Voucher Programme, TVP),根據過往統計,TVP申請個案有大約一半係企業資源規劃 (ERP),最多成功申請既行業係貿易同批發,咁係咪即係其他行業或者其他科技系統既機會就好低? 唔係,而家就等科技券顧問HK Easy Fund話你知七宗科技券成功例子,當中包括各行各業,申請ERP、CRM(客戶關系管理系統)、POS(零售銷售系統)同網頁系統等等。科技券40萬成功有法,搵個好顧問傾下,做好科技券報價,包你升級好Easy。

1. 物業管理 – 企業資源規劃系統 ERP

物管行業需要管理大量資源,包括人手編制、物資存取及大量現金等,專業性在於有效控制成本,為客戶提供準確透明既定期報告,令住戶及業主安心又放心。設置得宜既企業資源規劃系統 (Enterprise Resource Planning system, ERP) 能大幅提升營運效率同減少人為錯誤,加上科技券40萬資助,增加物管公司競爭力,最後得益既一定係香港市民大眾。

延伸閱讀:申請科技券做ERP系統

科技券:企業資源規劃系統
科技券資助ERP

2. 食品生產商 – 電子採購管理系統 EPM

除了ERP系統,電子採購管理系統 (Electronic Procurement Management system, EPM)亦係常見成功申請個案。食品生產涉及各間材料同生產設備供應商,以往只靠人手進行採購程序,可以話係廢時失事;EPM可以快速要求訊息及報價,減省人力資源,提升工作效率,幫申請企業嬴在供應鏈。

科技券:電子採購管理系統
EPM成就更強供應鏈

3. 貿易公司 – 客戶關係管理系統 CRM

貿易係申請科技券既行業之一,而客戶關係管理系統 (Customer Relations Management system, CRM)亦都係最熱門既科技券項目之一。未有CRM之前,客戶合約要續期,或者upsell產品服務,好多時都只係靠同事記憶或者經驗,最多都係貼張memo紙提醒自己,假如風一大吹走左,件事就會無左。CRM能自動跟進每個客人既銷售情況,甚至未成為正式客戶既時候,已有銷售漏斗 (Sales funnel)監察銷售進度,對提升企業銷售極有幫助。依時分顧問亦有使用CRM跟進每位客戶,整體滿意度相當不錯。

科技券:客戶關係管理系統
CRM加強企業銷售能力

4. 零售店 – 銷售點管理系統 POS

零售店最初上淘寶買左部POS機 (Point-of-Sales 銷售點),可以做到基本收錢埋數功能,但隨住業務走上軌道,部淘部有好多功能都做唔到,例如倉存管理、銷售數據報表等,更加無雲端備份,仲要日日抄落USB手指。TVP科技券顧問幫手申請一套POS解決方案,仲可以連結埋網站,同步化庫存紀錄,做到O2O銷售。

科技券:銷售點管理系統
新一代POS能做到雲端備份

5. 寵物用品 – 電子商貿系統 e-Commerce

時下新一代喜歡養寵物,比起養小朋友投入既金錢同時間可謂不相伯仲,寵物用品店睇準商機,開設全新電子商貿系統,推出網店 (e-Shop)同手機應用程式 (Mobile app),主人可以透過網店同程式時刻收到毛孩用品最新資訊,仲有到期提示,避免糧食短缺。e-Commerce更準備掌握客戶消費數據及需求,將客戶分成各個組別 (Segmentation),提升營業價量。

科技券:電子商貿系統
網上消費是未來大潮流

6. 建材供應 – 電子庫存管理系統

建材係傳統行業,但面對日益劇烈既市場競爭,都需要與時並進,提升整體營運效率。透過架設電子庫存管理系統 (Electronic Inventory Management system),倉庫存貨量一目了然,如果貨量不足應付市場季節性需求,就會自動提示,按預設指示提出報價,或者以替代品作緩衝。系統亦可提交各種報告,用作商業分析,協助決策。

科技券:電子庫存管理系統
庫存系統化能大幅提升效能

7. 軟件開發 – 大數據及雲端分析方案

資訊科技公司使用雲端運算作大數據分析,包括深度學習 (Deep learning)及人工智能 (Artificial intelligence),編寫準確度更高及運算更有效率的軟件,提升本地軟件業競爭力同科研能力,並且減低整體開發及測試成本。

科技券顧問富經驗  成功實例你要知

申請科技券成功唔係靠彩數,由科技券報價到最後審計報告,每個細節都隨時阻礙項目落實,唔想陰溝裏翻船,眼白白睇住科技券40萬變成零,就要搵個資深顧問知多啲。

馬上聯絡HK Easy Fund 香港依時分科技券顧問 (+852) 6219 1703

科技券申請流程2020

要40萬成功拎到 科技券申請知多啲

科技券計劃 (Technology Voucher Programme, TVP) 自2016推出以來,已有過千宗成功例子,各行各業都可以得到創新科技署三份之二既資助,升級配置各種科技系統,提升業務效率減省人力成本。有見反應熱烈,ITC由2019年2月起將TVP加碼,由20萬倍增至40萬,而家就知多啲科技券申請細節,準備好文件搵個好顧問,即刻展開業務大計。

【好消息!】2020年在即,ITC宣佈由2019年12月1日起接受既申請,可預先獲得25%既政府資助,即係如資助額係20萬,就會先獲5萬用作展開項目,減輕申請企業現金流壓力。唯要留意,企業要先開獨立銀行戶口,並且先行配置等同既25%資金,先可以獲得前期資助。睇返: TVP科技券優化撥款安排

1. 填妥申請文件確保符合資格

根據創科署TVP官網(https://tvp.itf.gov.hk/),只要在香港有實質業務既企業或者機構 (除左上市公司或政府資助既機構),就符合申請科技券既資格。換句話講,個人業務無限公司、合伙業務無限公司、私人持股有限公司或者擔保有限公司,以至其他類型既機構,都可以申請TVP。申請文件其中一部份就係要確保申請者符合資格,包括提交商業登記、公司周年報表、強積金供款紀錄、發票及收據等等。

2. 建議書及科技券報價

除左一般資料,創科署亦要求科技券申請者提交項目建議書同相關書面報價,建議書既審批會根據以下準則:

  1. 項目同業務既相關程度
  2. 項目預算同執行是否合理
  3. 科技券供應商有無不良紀錄

唔好以為建議書可以俾你洋洋萬字,因為創科署要求申請者用500字就要解釋哂以上全部要求。如果一開始既建議項目出左問題,之後所做既一切步驟都會徒勞無功,寫錯方向或者寫得太多太少,都會影響到申請成功既機會,試過有企業自己申請左兩次都攪唔掂建議書,最後都係要搵科技券顧問幫手。確立項目後就要搵供應商做書面報價,要求如下:

  1. 5萬元或以下項目要2份
  2. 5萬以上至30萬或以下要3份
  3. 30萬以上至140萬或以下要5份
  4. 140萬以上需要公開招標

同時所有報價都要附上誠信條款及反圍標協議。專業科技券中介會介紹最適合既供應商俾客戶。

3. 回應創科署問題

經科技券計劃網站提交所有文件及報價後,一般情況都需要回應創科署的疑問,目的係要協助創科署部門主任確認申請符合科技券計劃既審批準則,科技券顧問會協助客戶作出回應。當創科署認為申請已符合審批條件,就會支持申請並同申請者簽署協議書。一經簽約作實,申請者就可以開展科技券項目。【注意】未經創科署同意而展開的項目,一概不會得到資助。

顧問協助客戶回應部門問題
TVP顧問能協助客戶回應部門問題

4. 完成項目及獲發資助

科技券計劃規定項目必須在12個月內完成,項目完成後就要提交兩份報告。第一份係核數報告,即係經獨立核數師證明所有項目費用已經繳清,另一份就係最後報告,證明項目已經完成,呢樣可以係系統截圖、網站連結,以至運作報告等等,沒有一定的格式。兩份報告確認返項目同費用都完成,ITC方可將資助額發放給申請企業或機構既指定戶口。

要成為下一個科技券成功例子,馬上聯絡HK Easy Fund 香港依時分科技券顧問 (+852) 6219 1703