科技券顧問準確預測2020走勢

自財政司司長在財政預算案2020/21公佈，由2020年4月1日起，科技券計劃將會加碼，累積資助上限由40萬元提升至60萬元及資助比例由66.7%升至75%後，香港依時分資助顧問收到大量查詢。回顧一篇由我們科技券顧問撰寫的評論文章《科技券2019到2020的新發展》(2019年10月31日刊出)，當時依時分已認為按社會情況作出兩點預測，首先是科技券計劃將會在2020年再次加碼，「科技券40萬2020再加碼」，另外就是科技券將會提供前期資金，「先撥款的科技券2020優化版」。之後不久，政府便公佈由2019年12月1日起提供25%的前期撥款，以及4月1日的加碼。

公道的說，在財政預算案公佈前夕，依時分曾認為是次預算案直接提升資助上限機會不高 (見《IT界促請提升科技券資助上限》)，這是基於時間性問題，在1年內連續加碼稍急，然而我們認為2020年內科技券資助都應要再作提升。可見政府認為社會事件加上肺炎疫情的雙重打擊非常嚴重，必需要「落重藥」去救市及支持企業。

香港依時分科技券顧問團隊能準確預測兩次的優化措施，因為我們認為專業的顧問並不純粹只交交文件了事，要為客戶提供準確意見，必須審時度勢，了解社會民生以及經濟政治，同時亦要掌握科技資訊脈搏，才能作出最專業的判斷，協助客戶完成申請。

科技券申請搵專業顧問

雖然執筆之日疫情仍未過去，各行各業受到的打擊空前，尤其以飲食業及零售業最重。然而大眾需求仍在，日常生活起居飲食仍要繼續，不少人就改到網上消費，刺激網店及外賣平台等需求大增，我們相信有危就必有機，逆市求存，待情況過去後自然可以再次高飛。各位有心的老闆，既然政府都一再增加支援資助，何不趁此機會為業務增值，加強競爭力及改善營運效率?

科技券申請靠專業顧問，不但可減低申請失敗風險，同時更了解市場最新資訊及政策，要科技券知多啲，知己知彼才能百戰百勝。香港依時分科技券顧問公司有豐富經驗，身經不止百戰，歡迎有興趣申請科技券的公司聯絡我們了解更多  ([email protected]).

面對疫情 各大黨派紛要求科技券加碼

2019年反修例事件導致連續的社會抗爭，事件未完全解決之際，在2020年新年又爆出中國武漢肺炎疫情，不但原來受打擊的零售業及飲食業步入寒冬，更連其他各行各業都出現停擺情況，嚴重打擊市道及影響市民生計。本周三 (26/2/2020)財政司司長陳茂波將會公佈社會抗爭及肺炎疫情後首份財政預算案，無論是商界及科技業界，都對救市措施有一定的期望，香港依時分科技券顧問公司集合了不同黨派的建議，並從中分析有關建議落實的可能性，盼為本港中小企及科技方案供應商帶來一點意見作參考之用。

由親建制的7個IT協會提出10點建議，當中包括將科技券計劃(TVP)資助上限由40萬元增加至60萬元，以及將中小企業市場推廣基金(EMF)資助上限由80萬元增加至100萬元，並簡化各項資助計劃的申請程序。

泛民主派立法會資訊科技界莫乃光議員亦提出多項建議，包括增加科技券資助額並放寬有關的申請限制，並應優先審批本港中小企設立在家遙距工作(Work from home)及團隊管理等系統的科技券申請。

兩大陣營同時提議政府加強人才培訓、本地科技方案採購、向科技供應商提及免審查擔保等措施，讓科技研究及應用公司能渡過今次難關，以免香港科技人才出現斷層。

科技券資助上限暫難提升

2019年科技券計劃有兩次升級，首先是在2019年2月27日財政預算案中將資助上限由20萬元倍增至40萬元，另外是因應社會事件，2019年12月1日起成功申請科技券的企業可在有條件下獲發資助額的25%作前期資金。

科技券計劃在2016年推出以來，唯一一次加碼是在去年2月，而且有不少申請個案的銀碼不算大，相信有很多企業仍未用盡40萬元的資助，除非是資助比例增加 (現在的配對比例是1比2，企業出一份，政府出兩份)，否則香港依時分科技券顧問認為短期內增加科技券上限至60萬元機會較微。

同樣道理，中小企業市場推廣基金的上限剛剛在2020年1月20日由40萬元倍增至80萬元，除非是提升比例 (現時是1對1)，否則亦難以在短期內再增加EMF的資助上限。

科技券中介顧問仍有切實可行建議

然而，TVP計劃與其他資助計劃 (如BUD專項基金及EMF中小企業市場推廣基金)有一點很不同，就是必需等待申請獲批後才能展開項目。BUD專項基金容許提交申請後就開展項目，而EMF更是可以先完成後申請。另外，TVP的25%前期資金需要申請企業開設獨立銀行戶口，反觀BUD專項基金已取消相關規定，只要主要股東作個人擔保即可獲最高75%的前期資金。故此，香港依時分預計財政預算案將會就開展項目時間或前期資金批發資格方面提出優化

根據過往經驗，即使在科技券計劃升級前已申請的公司，仍能享受到升級帶來的好處，預計本文出街之日不久，財政司司長就會有好消息帶給各商界人士及科技業界，香港依時分科技券顧問公司有豐富經驗，時刻留意市場動態及政府政策方向，歡迎有興趣申請科技券的公司聯絡我們了解更多  ([email protected])

科技券申請成功講策略

孫子兵法有云：「知己知彼才能百戰百勝」，要申請科技券成功，首先要知道創新科技署 (即科技券計劃 TVP既執行政府部門)考慮既地方，即以下四大原則：

• 申請企業是否符合資格
• 建議的科技券項目是否可行
• 建議的科技券項目是否與申請企業相關
• 建議的科技券項目預算是否合理

科技券計劃 (Technology Voucher Programme, TVP)資助企業應用科技方案，每次資助額係項目既三份之二，累績上限已經加碼到40萬，而家仲有資助額既25%作為前期資金，幫助企業減輕現金流壓力。今時今日環境變化劇烈，要與時並進，科技券計劃唔可以唔知。

TVP申請資格

• 根據《商業登記條例》登記的香港業務；或
  根據《公司條例》註冊的香港公司；或
  在香港成立的法定機構 
• 非上市，亦非政府資助機構或其附屬公司 
• 有實質業務

一般申請企業都會符合頭兩項條件，即使公司股東或東主並唔係香港永久居民，只要在香港註冊既公司，都符合申請資格。然而，「實質業務」就有少少抽象，何謂有實質業務呢?

簡單來講，凡有業務，定必有員工同收支，只要證明到呢兩點就可以。

員工: 根據香港法例，所有僱員都需要供強積金 (MPF)，所以MPF紀錄就能證明企業員工數量

收支: 可以係最近三個月既發票同收據或者銀行月結單

大家要留意，有部份公司因為種種原因，例如一人公司、全部員工都是兼職等等，於是無供強積金。首先咁係唔符合強積金既相關法律，另外亦都好有機會被拒絕申請科技券。

TVP計劃最初規定只有成立1年以上既中小企先有資格申請，而家已經取消左相關規定，受惠既企業同機構係多左好多。了解左TVP申請資格後就可以落下一個題目喇。

科技券項目可行性

科技券申請表格上需要提供項目建議書，創科署會就著現今既科技水平、法例等去評估有關建議項目可行與否。舉個例子，如果生物實驗室申請科技券發展人類胎兒性別選擇，由於不符香港法律，就不會獲批。另外要留意，即使創科署批准申請，其實亦不代表項目可行，確實執行係申請企業既責任，寫得落建議書就要做得到，否則創科署最後係有權唔發資助既。

科技券項目與申請企業的相關性

好多人有個錯覺，認為科技券即係政府資助買電腦，記住科技券項目要有針對性，就咁買電腦、打印機等係唔得既。建議項目要有特定用途，而且要同業務相關，可以提高業務既效率，減省人手同人為錯誤等。例如無零售業務既網頁公司，如果想申請TVP做POS (Point of Sales 零售銷售系統)，就令人丈八金鋼摸不著頭腦，難以說服部門信納兩者之間既關係。記著，餐廳申請餐飲系統，物流公司申請物流系統，就四平八穩順利過渡啦。當然世事無絕對，總有難定界線既情況，咁就可以同我地既科技券顧問傾傾。

科技券項目預算

符合資格、項目可行、相關合理都過哂關，就剩返最後一件事：建議項目既預算需要合理。創科署處理過以千計既申請，接觸上萬份科技券報價，對市場價格有一定掌握，主流既項目例如企業資源規劃 (Enterprise Resource Planning, ERP)、網站系統、POS等等，不能超越某個範圍太多，畢竟資助來自納稅人，每分每毫理論上都要用得其所。至於較冷門既項目，都會涉及一定既軟件系統開發程序，部門將會要求有更詳細既報價 (Item breakdown)，達至公平公開。如果創科署認為建議項目預算太貴，就需要遊說部門接納，或者將預算降低至部門認為合理既水平。

參考文章: 科技券報價不容易

科技券顧問協助順利申請

睇完審批原則，相信大家都明白，政府辦事係講程序既，如果你唔熟識政府套程序同埋要求，就會不斷咁回答問題，遇到好既主任，可能都會解釋邊度漏邊度錯，但去到合理性相關性等問題，主任都幫唔得太多。科技券顧問協助客戶處理大量個案，經驗豐富，對審批原則非常了解。香港依時分科技券顧問係真正幫到你既專家 ([email protected])

延伸閱讀: 科技券顧問前瞻TVP2020

科技券顧問公司2020年最新看法

科技券計劃係2019年2月27日正式加碼，由20萬倍增至40萬，而下半年發生中美貿易戰白熱化以及因逃犯條例修訂導致既連串社會事件，經濟出現衰退令政府決定為科技券提供前期資助。2019年係TVP大改既一年，不單資助加碼，而且可以提前取款，令當局積壓左唔少個案，我地既科技券顧問感到當局既回應比之前慢左少少。前瞻2020年，香港依時分估計無論係政策層面以至執行處，當局都會就住經濟環境變化而作出更進一步既調整。作為香港主要既科技券顧問公司，我地有以下既睇法，俾各位有意申請科技券既客戶或者科技券供應商參考。

創科署審批科技券將會更嚴謹

依時分首先想指出，創新科技署 (下稱創科署)將會對TVP申請更加嚴格處理，原因有二：一、面對經濟逆境，有更多老闆可能會選擇鋌而走險，為求節省開支甚至騙取公帑，而串同不良科技券中介同供應商提供虛假陳述、進行圍標或者作出枱底交易。二、自2019年科技券最高可以資助40萬港元，對好多中小企來講可以話係一筆可觀既數字，而且大部份既項目交易簡單，只涉及幾條款項，加上最高25%既前期資助，可能令人產生歪念。

2019年下半年創科署已明顯針對科技券報價以及申請企業股權結構要求更詳細既交代，由於申請個案大幅上升，唔排除有部份有心人趁時局混亂混水摸魚，作為執行部門，創科署來到2020年將會更嚴格把關，對申請資格進行徹底審核，另外亦唔排除當局會對不良中介同可疑供應商正進行調查。如政策局未能加強支援，我地預計科技券申請需時可能會比現在更耐。

TVP前期資助發放更改條件

現在如要獲得前期資助，先要開設獨立企業銀行戶口，同埋注入相等資金。依時分顧問認為有關做法會減低申請前期資助意欲，大家都知道今時今日香港公司要申請銀行戶口，一般都要三個月，仲要好似查恐怖份子咁，相當麻煩，而實際上有關既前期資助只係涉及項目成本既六分之一，最多10萬，向銀行融資可能更加直接。我地預計，科技券計劃應會參考2020年1月20日起既BUD專項基金優化措施，唔再需要申請企業開設獨立銀行戶口，而改為要求主要股東為申請企業作個人擔保 (Personal guarantee)，令申請以至獲得前期資助更快速，提升有直正科技需要既企業申請意欲。

因應科技發展將有更多元化科技項目

除左經濟逆境外，2020年亦都係科技界重要既一年，因為第五代無線通訊技術 (5G)將會正式推出市場，5G既特點之一係極少既延滯 (Latency)，令物聯網 (Internet of Things, IoT)切實可行，市面上已經開始有相關既解決方案準備就緒，價錢亦係科技券資助範圍之內，我地估計IoT將會成為下一波熱門既科技券項目，香港依時分正同相關既供應商展開合作探討，請期待我地既進一步公佈。

申請科技券顧問幫到你

面對以上既改變，即係審批更嚴格、資助發放模式改變同埋多元化項目供應，科技券顧問既角色顯得比以前更重要。顧問每日都處理大量個案，明白創科署審批準則同要求，同時有專人留意政府最新消息，省回唔少準備功夫，更重要係顧問公司有廣闊既科技供應網絡，可以轉介最適合既供應商俾申請企業，無需擔驚受怕。

要成為下一個科技券成功例子，馬上開始進行自助評估，俾科技券顧問幫下你 ([email protected])

申請科技券需要準備的文件

科技券計劃 (Technology Voucher Program, TVP) 推動企業升級科技項目改善營運，創新科技署(Innovation and Technology Commission, ITC)資助合資格企業或機構三份之二既科技項目費用最多40萬。科技券顧問 HK Easy Fund會一連數篇知多啲申請TVP既注意事項，今次文件篇就會同大家睇下，除左要填好份申請表格外，申請科技券仲要預備既文件。

科技券顧問既價值係為客戶提供科技方案建議，配對適合既科技券供應商，協助準備申請文件，同埋回應創新科技署關於建議項目既一切相關度、合理性同預算問題﹔科技券項目完成後提交最後報告及審計報告，創新科技署確認所有報告後就會發放資助。面對經濟嚴峻既2020年，搵科技券幫手支援企業，就要睇清需要既文件。

申請企業的實質運作證明文件

• 商業登記證 – 除已獲得豁免，在香港任何商業活動都需要申請到稅務署 (Inland Revenue Department, IRD)進行商業登記 (Business registration, BR)

• 公司周年申報表 – 公司註冊處 (Company Registry, CR)的NAR1表格，以此證明有限公司經已註冊

• 營運發票及收據 – 凡有商業運作即會有收支文件，在香港，3個月以上一般都會視為持續運作，所以需要提交過去3個月的營運證明

• 強積金供款紀錄 – 凡有商業運作即涉及人手，有人工作自然有MPF供款，同樣地亦係提供3個月的供款紀錄以作人事證明

科技券計劃只資助有實際營運的企業或機構，而以上的文件足以證明有關資格。

申請企業的股權結構

依時分科技券顧問經常遇到一個問題: 既然申請以公司為單位，咁我可唔可以開設多間有限公司去獲取多次40萬資助呢? 答案當然係唔可以。因為所有申請都要披露股權，如涉及離岸公司或多層控股公司，亦要申報背後持股者至最後自然人，確保公帑唔會雙重資助。所以申請科技券時必須提供最大股東及持股超過30%主要股東的名單，並附有身份證明文件。

科技券申請表格

最後當然係要填好申請表格，當中最難處理的就是大約500字的項目建議書。或者你會問，只係500字有何難度，其實呢段文字係要交代全部既公司背景，解釋TVP項目同公司業務既關係，如何提升公司既營運效率，同埋項目既執行同預算係屬於合理範圍。更重要係呢份建議書需要面對日後創新科技署既挑戰，最後報告亦要符合建議內容，絕對唔係幾百字咁簡單，寫得唔好，隨時令申請拖長幾個月，甚至最後拎唔足資助。

科技券顧問會協助客戶準備以上既文件，要成為下一個科技券成功例子，馬上聯絡HK Easy Fund 香港依時分 (+852) 9229 1825 。